DOIE FENESTELLE 'E COPP' 'O PARAVISO.

Buona sera.

Voglio pubblicare per voi una mia poesia in napoletano

intitolata "Doie fenestelle 'e copp' 'o paraviso".

Spero che vi piaccia.

In questa poesia si parla di generosità e di altruismo,

una generosità ed un altruismo che vengono dall'alto.

Doie fenestelle ‘e copp’ ‘o paraviso.

 

Doie fenestelle ‘e copp’ ‘o paraviso

s’arapetteno ‘na matina tuzzuliate ‘a nu raggio ‘e sole,

e ‘o patatern n’cielo, scetato di buon’ ora,

pigliaie ‘e lente e ‘o ccafe e ssi iett’ affaccià.

Vedette da luntano ‘o lungomare ‘e Margellina,

Pusilleco, Curuoglio,

e comm’ ‘a seta fina dall’oro culurata

‘o sole accarezzava e tigneva tutt’ ‘e ccase.

Migliare ‘e cristiane cammenavano sott’ ‘o sole,

e chi aspettava ‘o tramm, chi chiagneva, chi alluccava,

e chi, sottobraccio, nzieme cu ‘a nnammurata,

se ne ieva ‘a Margellina ‘a passià.

Nostro signore aret’ ‘e fenestelle,

sciatanno ngopp’ ‘e lente pe ce verè cchiù buono,

vedette da luntano ‘nu povero uaglione,

‘nu puveriello ca ‘a via Mezzocannone

cercava int’ ‘o cappiello ‘a carità.

Addenucchiato steva ngopp’ ‘a ‘nu marciapiede

cu ‘nu cartiello scritto pecchè era furastiero,

nterra cu ‘a cuppulella cercava ‘e s’abbuscà

'o pranzo da iurnata da chi ‘o puteva da.

‘O signore s’’o guardava, e ppo, tutt’ ‘a ntrasatta,

facett’ segno n’cielo cu ‘na mano,

e ‘na culomba ianca cu ‘nu biglietto mmocca

piglia e, vulanno vulanno,

scennette ‘o piano ‘e sotto.

Dint’ ‘o biglietto ce steva scritto

cu gnostia prufumata: “Te voglio bene assaie”,

scritt’ da ‘o signore,

dint’ ‘a ‘na busta ‘e lettera ianca ‘e appriparata

ce steva cinquant’euro cu cinquciento vase,

e dint’ ‘a cuppulella ca isso teneva n’zino

accumparett’ ‘na birra nzieme cu ‘nu panino.

‘O poveru uaglione vedenno stu regalo

pigliaie ‘nu fazzuletto e l’uocchie s’asciuttaie,

po, vutanno l’uocchie n’cielo

‘a ‘e nnuvole luntane, menaie ‘nu vaso n’cielo

e se salutaie ‘o signore,

e ‘o vaso po’ vulaie saglienno semp’ n’cielo

dint’ ‘a na sfera ‘e luce d’’o meglio raggio ‘e sole.

‘O padretern n’cielo ‘o rispunnette

facennole pure isso ‘nu surriso,

aizann’ ‘a mano n’ce mannaie ‘nu vaso

guardannole cu l’uocchie nfuse ‘e sole.

Spianno miez’ ‘e nnuvole luntane,

‘o puveriello cu ‘nu pizzo ‘a rriso,

vedette ca ce steva appriparato

pe isso ‘nu pezzullo ‘e paraviso.

 

   Cristiano.