'NA DUMMENEC 'E PASCA

Buon pomeriggio.

Posto per voi un'altra mia poesia in napoletano intitolata

"'Na dummeneca 'e Pasca", nella quale ho avuto a cuore

di parlare della mia religiosità, essendo io molto credente

nella religione cristiano cattolica e nell'amore che il signore ha per ognuno di noi.

'Na dummeneca 'e Pasca.

 

 

 

'Na dummeneca 'e Pasca 'e nu iuorno d'aiere,

dint' 'a nu vicariello addò nunn trase 'o sole,

passavo cammenanno e m''a facevo a ppere

sentenno ll'aria doce ca mena 'a primmavera.

'E mentre m'assettavo 'a nu murillo antico,

guardavo 'na chiesella ca me steva 'a rimpett.

Facenno 'o paro e 'o sparo, dicenno: "Ma mo traso?",

trasett e m'assettaie e mme facett 'a croce.

'A chiesa era vacante e se senteva 'o friddo.

Cu 'e mmane dint' 'e mmane facenno 'na preghiera,

guardanno lla 'e rimpett nu Gesu Cristo n'croce,

spiaie 'na cosa 'a Dio, ma mettevo scuorno,

ma poie pigliaie curaggio e ngi''o dicett' 'a voce:

"Pecchè nunn scinne maie 'a copp' 'a chella croce?

Pecchè nunn’ arresciate, pecchè nunn’ t'arrepuose.

Te fanno male 'o ssaccio chilli chiuove ind' 'e mmane,

t'abbrucia n'nfronte 'a te chella curona 'e spine.

Te fanno male 'e cchiù chilli chiuove ind' 'e pier;

t'ho ddico 'e sso sincer: pecchè stai lla a suffrì?

Si sulo tu scenniste 'a copp' 'a chella croce,

e t'assettasse ca nu poco nzieme 'a mme,

truvasse nu mumento nu quarto d'ora 'e pace,

putisse sta felice putessemo parlà".

Cu 'e braccia spalancate nchiuvate ngopp' 'a croce

pare ca m'abbracciava guardannome Gesù,

e me vuleva da nu vaso doce doce

e pare me diceva: "io voglio resta cca".

"'Ah, mo aggiu capito: sti braccia spalancate

ca arapeno sti braccia ca cerca 'e c'abbraccià

'e sulo chist' abbraccio nfuso de bene e ammore

ca primma e vulà n'cielo tu ce vuluto dà?".

'Na voce me dicett: “E' chest figliu mio,

pure si stong' n'croce, io cca voglio restà,

pecchè v'aggia abbraccia strignennove cchiù ddoce

'a chistu core mio ca nunn ve vo lassà".

 

 

       Cristiano.